අකලංකගේ පිටුව

ඉන්ටවිව් එක

ඔන්න කෙනෙක් ඉන්ටවිව් එකකට ගියාලු. දැන් ඉතින් ඉන්ටවිව් එකේදී මුලින් විස්තර අහල ඉවර වෙලා හරියට ඉන්ටවිව් ඒක පටන් ගන්න හදන්නේ.


ඉන්ටවිව් කරන කෙනා: හොදයි.., මම දැන් හදන්නේ ඔයාගේ භාෂා පිළිබද දැනුම පරීක්ෂා කරන්නයි.


අයදුම්කරු : හොදමයි සෑර්.....


ඉ.ක.කෙ. : කියන්න බලන්න මේ වචන වල විරුද්ධ පද.. “හොදයි”


අයදුම්කරු: හ්ම්ම්ම්ම්ම්ම්ම්ම්.... “නරකයි”


ඉ.ක.කෙ.: එන්න..


අයදුම්කරු: යන්න..


ඉ.ක.කෙ.: කැත..


අයදුම්කරු: හුරුබුහුටි..


ඉ.ක.කෙ.: හුරුබුහුටි???


අයදුම්කරු: කැත..


ඉ.ක.කෙ.: කට වහනවා..


අයදුම්කරු: දිගටම කතා කරනවා..


ඉ.ක.කෙ.: හරි, දැන් මේ ඔක්කොම නැවත්තුවනම්..


අයදුම්කරු: දැන් මේ ඔක්කොම දිගටම කරගෙන ගියානම්..


ඉ.ක.කෙ.: අඩේ.. උබට මම කිව්වේ කට වහගන්න කියල නේද? කටවහගනින්..


අයදුම්කරු: අඩේ.. උබට මම කිව්වේ කතා කරන්න කියල නේද? කතා කරපන්..


ඉ.ක.කෙ.: අනේ යාලුවේ..


අයදුම්කරු: අනේ හතුරෝ..


ඉ. ක.කෙ.: පලයන් එලියට..


අයදුම්කරු: වරෙන් ඇතුලට..


ඉ.ක.කෙ.: අනේ දෙවියනේ...


අයදුම්කරු: අනේ යකුනේ..


ඉ.ක.කෙ.: ඔබව තෝරාගන්නේ නෑ.. කනගාටුයි..


අයදුම්කරු: මාව තෝරගත්ත.. බොහොම ස්තුතියි සෑර්..!!

පර්සිගේ ඇඟිල්ල

(මෙහි එන සියළු චරිත පරිකල්පනයෙන් ප්‍රබන්ධිත ඒවා වන අතර, සුජීවත් හෝ මියගිය යම් පුද්ගලයෙකුට සමාන කමක් දක්වයි නම් එය සපුරා අහඹු සිදුවීමක් බව කරුණාවෙන් සලකන්න.)

ඔන්න එකමත් එක රටක එකමත් එක පාසැලක ප්‍රධාන ශිෂ්‍ය නායක වුණේ පර්සි කියලා ලමයෙක්. පර්සි කොහොමත් චන්ඩියෙක් බව දන්න නිසාදෝ කවුරුත් පොඩ්ඩක් පරිස්සමෙන් තමයි වැඩ කළේ. මොනවා කළත් විදුහල්පති හාමුදුරුවො පර්සිට හොඳ චරිත සහතිකයකුත් දීලා තිබුණෙ. බුද්ධාගම විෂයටත් පර්සිට ලකුණු හොඳට තිබුණා. පර්සි හරිම වාසනාවන්ත දරුවෙක්. එයාගෙ අයියලා මල්ලිලා ඔක්කොම එයාට හරියට උදව් කරනවා. ඒ විතරක්යැ, ඉස්කෝලෙ හිටිය සංගීතෙට, නාට්‍ය වලට, ක්‍රීඩාවලට දක්ෂ කට්ටිය එහෙමත් හරියට පර්සිට ආදරෙයි. කලින් වතාවක් ප්‍රධාන ශිෂ්‍ය නායක වෙලා ඉඳලා ව/ල මධ්‍ය මහා විද්‍යාලෙට ගිය රිචඩ් අයියත් එක්ක තරහ කට්ටියටත් පර්සිට වඩා හොඳ කෙනෙක් හිටියෙම නෑ. ඒ විතරක් නෙවෙයි මෙච්චර කාලෙකට හැම එකාටම කොකම් කර කර හිටිය සූරියසේකර ට හොම්බ රිවට් වෙන්නම ගහපු නිසාත් තව කට්ටියක් සද්ද නැතුව හිටියා. අඩුම ගානෙ පර්සි ඒ ගොල්ලන්ගෙ කෑම පෙට්ටි වලින් කෑම අරන් කෑවත් මුකුත් කිව්වෙ නෑ.
හැබැයි පර්සිටත් ඉතින් ප්‍රශ්න නැතුවම නෙවෙයි. මේ ළඟදි ඉඳන් පර්සිට තේරුණා ශිෂ්‍ය නායක මණ්ඩලේ විනය මණ්ඩලේ ප්‍රධානියා එන පොට හොඳ නැති බව. තමන්ගෙම යෝජනාවෙන් පත්වෙච්ච ශ්‍රියාණි මෙහෙම දෙයක් කරයි කියලා හීනෙන් වත් නොහිතපු පර්සිට හීන් දාඩිය දැම්මෙ, තමන්ගේ ප්‍රධාන ශිෂ්‍ය නායක කමටත් ලොකු තර්ජනයක් තියෙන බව දැනුණු නිසාමයි. අන්තිමේ පර්සි තමන්ගේ හිතවත් කට්ටියට කතා කරලා මේ ගැන කිව්වා. වටු වැද්දගෙ දැළ ඔසවාගෙන ගිය වටුවො ටික වගේ එකමුතුව වැඩ කරලා ශ්‍රියාණිව එළවලා දාන්න  කතිකා කරගත්තා. කතිකා කරගත්ත හැටියටම කෙරුණා කියමුකො.දැන් ඔන්න පර්සිට ආරංචි වෙනවා කට්ටිය තැන තැන කසු කුසු ගානවා. සමහරු නම් පර්සිගේ මූණටමත් මේ ගැන කිව්වා. දැන් තත්වෙ ටිකක් උණුසුම්. දවසක් විද්‍යා පන්ති කාමරේදි මේ ගැන කතාවක් ඇදිලා ආවා. විද්‍යාව ගුරුතුමා මේ ප්‍රශ්නෙ දිහා හොඳ විමසිල්ලෙනුයි හිටියෙ. පන්තියෙ රණ්ඩුවකට සැරසෙන බව දැන ගත්ත ගුරුතුමා පර්සිව පන්තිය ඉස්සරහට කැඳෙව්වා. අනිත් අයත් දැන් කට ඇරගෙන බලාගෙන ඉන්නවා.
පන්තියෙ බිත්තියෙ ලොකු හිලක් තිබුණා. ගුරුතුමා පර්සිගෙ  ඇඟිල්ල අතින් අල්ලලා හයියෙන් අර හිල දිහාට තල්ලු කළා. පර්සිත් සද්ද නැතුව හිටියා. ගුරුතුමා හිල ළඟදි ළමයින්ගෙන් අහනවා " මේ යන වේගෙන්ම ගියා නම් ඇඟිල්ලට මොනවා වෙයිද? " කියලා. "මුකුත් වෙන්නෑ සර්, ඇඟිල්ල හිල ඇතුලට යනවා" ළමයි කිව්ව.
ඊළඟට ආයිමත් පර්සිගෙ අතින් ඇදලා ගත්ත ගුරුතුමා අර වේගෙන්ම කිසිම පළුද්දක් නැති බිත්තිය පැත්තට ඇඟිල්ල අරන් ගියා. බය වෙච්ච පර්සි ඇඟිල්ල ඇදල ගත්තා. "මොකද පර්සි?" ගුරුතුමා පුදුමෙන් වගෙ ඇහුවා. "සර්ත් මාර කතාවක් නෙ කියන්නෙ. මේ බිත්තියෙ වැදුනොත් මගෙ ඇඟිල්ල කඩලා යයි" පර්සි කිව්වා.
ගුරුතුමා හිනා වුණා.
"දැක්කද, පළුද්දක් නැති තැනට කවුරුත් ඇඟිල්ල දාන්නෙ නෑ. ඒ නිසා පළුද්දක් නැති වෙන්න වැඩ කරන එක හොඳයි පස්සෙ නාහෙන් අඬනවට වඩා! " පන්තියෙ එවුන් කට වහ ගත්තා

කපිතාන් සහ රතුපාට කමිසය

මේක මීට වසර 200කට විතර කලින් එංගලන්තයේ සිද්ද වෙච්ච කතාවක්. එංගලන්ත නාවික හමුදාවේ හිටියා බොහෝම  ප්‍රරසිද්ධ කපිතාන් කෙනෙක්. දවසක් මෙයා එයාගේ යුධ නැවේ නැව් තට්ටුවට වෙලා විවේක සුවයෙන් පසුවෙන කොට නැවේ දෙවන නිළධාරියා මෙයා දිහාවට දුවගෙන දුවගෙන ඇවිත් මෙහෙම කෑ ගැහුවා.

"කපිතාන්තුමනි ප්‍රංශ යුධ නැවක් අපි දිහාට එනවා"

මේක ඇහුව කපිතාන් කලබල උනේ නෑ,බොහෝම සන්සුන්ව මෙහෙම කිව්වා.

"ගිහින් මගේ රතු පාට කමිසය අරන් එන්න"

දුවලා ගිය නැවේ නිළධාරියා කපිතාන් ගේ රතු පාට කමිසය රැගෙන ආ පසු කපිතාන් එය ඇද ගත්තා.මොහොතකින් සටන ආරම්භ වුනා. ද්වන්ධ සටනකින් පස්සේ එංගලන්ත යුධ නැව අති විශිෂ්ඨ ජයක් ලැබුවා.

ජයග්‍රහනය සමරන්න පසුව පවත්වපු සාදයේදී කපිතාන්ට කිට්ටු කරපු නැවේ දෙවන නිළධාරියා කපිතාන් ගෙන් මෙහෙම ඇහුවා

"ඇයි කපිතාන් සටනේදී අදින්න රතු පාට කමිසය ගේන්න කිව්වේ?"

කපිතාන් බොහෝම ගාම්භීරව මෙහෙම උත්තර දුන්නා

"යුද්ධයේදී මම තුවාල වෙලා මගෙන් ලේ ගැලුවොත් ඒ බව දකින අපේ සොල්දාදුවෝ දුර්මුඛ වෙන්න පුලුවනි ඒත් රතු පාට කමිසය ඇන්දාම ඒකෙ පාටත් රතු නිසා සොල්දාදුවෝ මම තුවාල වූවත් ඒ බව දැන ගන්නේ නෑ,එතකොට ඔවුන් දිගටම ධෛර්යමත්ව සටන් කරයි"

මේ සිද්දියෙන් පස්සේ නැවේ දෙවන නිළධාරියා කපිතාන්ගේ රණ ශූරත්වයත් ස්ථානෝචිත ප්‍රඥාවත් ගැන බොහෝම පැහැදුනා. ටික දවසකට පස්සේ නැව් තට්ටුවට වෙලා කපිතාන් සහ නැවේ දෙවන නිළධාරියා සාකච්ඡා කරමින් සිටි ස්ථානයට දුවගෙන ආව සෙබලෙක් මෙහෙම කෑ ගැහුවා.

"කපිතාන්තුමනි... කපිතාන්තුමනි.. ප්‍රංශ යුධ නැව් තිහක් පමන අපි දිහාට එනවා"

මේක අහපු ගමන් නැවේ දෙවන නිළධාරියා පැනපු ගමන් කපිතාන් ගෙන් ඇහුවා

"කපිතාන් තුමනි රතු පාට කමිසය ගේන්නද?" කියලා.

හොදටම කලබල වෙලා හිටිය කපිතාන් මෙහෙම කෑ ගැහුවා.

"රතු කමිසේ නෙවේ බොල අරං වරෙන් මගේ කහ පාට කලිසම "

නෞකා එන්ජිම සහ මහලු මිනිසා

ඉතා විශාල මගී  ප්‍රවාහන  නෞකාවක එන්ජිමේ දෝශයක් නිසා එය ක්‍රියා විරහිත වුනා. නෞකාවේ හිමිකරුවන් රටේ ඉන්න නෞකා පිලිබද විශේෂඥ්‍ය ඉංජිනේරුවන් සියල්ලගේම සහය ලබා ගත්තත් ඒ කාටවත් එන්ජිම යලි ක්‍රියා කරවීමට නොහැකි වුනා.


බලාපොරොත්තු සුන් වූ නෞකා හිමිකරුවන් අවසානයේ මහලු මිනිසෙක් රැගෙන ආවා. ඔහු ඉතා කුඩා වියේදී සිටම නෞකා එන්ජින් පිලිසකර කර ඇති අතර ඔහු පිලිබද ක්‍ෂේත්‍රයේ තිබුනේ ගෞරවයක් .

ඉතා විශාල ආයුධ සහිත බෑගයක් ඔහු රැගෙන ආ අතර පැමිනි විගස ඔහුගේ වැඩ කටයුතු ආරම්භ කලා. ඔහු එන්ජිම ඉතා හොදින් පරීක්ශා කලා. නෞකාවේ හිමිකරුවන් දෙදෙනෙකුත් ඔහුත් සමග දිගටම රැදී සිටියේ මහලු මිනිසා නෞකා එන්ජිමට හානි කරාවියැයි බියෙන්.සියල්ල ඉතා හොදින් පරීක්ශා කල පසු සෙමින් තමන්ගේ ආයුධ බෑගය ලගට ගිය ඔහු ඉන් කුඩා මිටියක් එලියට ගත්තා.එන්ජිම ලගට පැමිනි ඔහු ඉතා සෙමින් සියුම් මිටි පහරක් එන්ජිමේ යම් තැනකට එල්ල කලා.මහත් ශබ්දයක් පිට කරමින් එන්ජිම ක්‍රියාත්මක
වුනා.

මහලු මිනිසා විසින් නෞකා එන්ජිම පිලිසකර කර තිබුනා.

සතියකට පසු මහලු මිනිසා ඔහුගේ බිල නෞකා හිමියන්ට එව්වා. එය ඩොලර් 10000ක්.

"මොනවා"....ඔවුන් පුදුමයෙන් කෑ ගැසුවා.

"ඔහු ලොකු දෙයක් කලේ නෑ... ඔහු කල එකම දෙය කුඩා මිටි පහරක් එල්ල කිරීම පමනයි"

ඉතින් නෞකා හිමිකරුවන් යලිත් මහලු මිනිසාට පිලිතුරු ලිපියක් යවා විස්තර සහිත බිල් පතක් ඉල්ලා සිටියා.

මහලු මිනිසා පිලිතුරු ලෙස විස්තර සහිත බිල්පතක එවා තිබුනා.

එන්ජිමට කුඩා මිටි පහරක් එල්ල කිරීම........................ඩොලර් 2
මිටි පහර එල්ල කල යුතු ස්ථානය හදුනා ගැනීම...............ඩොලර් 9998

යමක් සදහා උත්සාහ කිරීම වැදගත් වන අතර උත්සාහය යෙදවිය යුතු තැන නිවරදිව හදුනා ගැනීම ඉතා වැදගත් වේ!!!